வடக்கில் 372 பேருக்கு நிரந்த நியமனம்

Super User / 2013 டிசெம்பர் 02 , மு.ப. 08:55 - 0 - {{hitsCtrl.values.hits}}

-சுமித்தி தங்கராசா, செல்வநாயகம் கபிலன்

வட மாகாண சபைக்குட்பட திணைக்களங்களில் கடமையாற்றுவதற்காக 372 பேருக்கு இன்று திங்கட்கிழமை நியமனக் கடிதங்கள் வழங்கப்பட்டுள்ளன.

இந்த நியமனங்கள் வட மாகாண ஆளுநர் ஜி.ஏ.சந்திரசிறியினால் வழங்கப்பட்டுள்ளன. பொது நிர்வாக மற்றும் உள்நாட்டு அமைச்சினால் ஏற்பாடு செய்யப்பட்ட இந்த நியமனக் கடிதம் வழங்கும் நிகழ்வு கோப்பாய் தேசிய கல்வியற் கல்லூரியில் நடைபெற்றது.

இதில் முகாமைத்துவ உதவியாளர்களாக 219 பேரும் அபிவிருத்தி உத்தியோகத்தர்களாக 107 பேரும் ஆசிரியர்களாக 26 பேரும் கால்நடை அபிவிருத்தி உத்தியோகத்தர்களாக 20 பேரும் நியமனக் கடிதங்களைப் பெற்றுக் கொண்டனர்.

இந்த நியமன கடிதங்கள் வழங்கப்பட்டவர்களுக்கு மூன்று வார கால பயிற்சி வழங்கப்பட்ட பின்னர், 2014ஆம் ஆண்டு ஜனவரி மாதம் முதல் வட மாகாண திணைக்களங்களில் நிரந்த ஊழியர்களாக கடமையாற்றவுள்ளமை குறிப்பிடத்தக்கது.

இந்த நியமனம் வழங்கும் நிகழ்வில் வட மாகாண முதலமைச்சர் அமைச்சர் சீ.வி.விக்னேஸ்வரன் கலந்துகொள்ளவில்லை என்பதும் குறிப்பிடத்தக்கது.

Comments - 0

AJ Monday, 02 December 2013 09:47 AM

வடக்கில் இராணுவ ஆட்சி தான் நடக்கிறது என்பதுக்கு மற்றுமோர் உதாரணம். மக்களால் தெரிவு செய்யப்பட்ட அரசை உதறி தள்ளிவிட்டு, சந்திரசிறி, பதியுதின், டக்ளஸ் போன்றோர் தான்தோன்றி தனமாக செயல்படுவதும், தெரிவு செய்யப்பட்ட அரசை புறம்தள்ளுவதும் இந்த நாட்டுக்கும், கொழும்புக்கும் சிறந்தது அல்ல என்பது மட்டும் உறுதியாக சொல்ல முடியும். இவர்கள் விட மாட்டார்கள் மக்களால் தெரிவு செய்த அரசை ஆட்சி செய்ய, இவர்களுக்கு தேவை மக்களை அடக்கில் ஒடுக்கி வைப்பதுக்கு மட்டுமே.

Reply : 0 0

Sumathy M Monday, 02 December 2013 03:09 PM

எங்கே ஐயா எங்கள் முதலமைச்சர்? நல்ல காரியத்திற்கு முன்னுக்கு நிக்கமாட்டாங்களோ?

Reply : 0 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .