140 கிலோ கஞ்சாவுடன் இருவர் கைது

-எஸ் தில்லைநாதன் 

பருத்தித்துறை, மணல்காடு கடற்பரப்பில், இன்று (26)  அதிகாலை, இந்தியாவில் இருந்து இலங்கைக்கு கடத்திவரப்பட்ட 140 கிலோகிராம் கஞ்சாவுடன், இருவர்  கைது செய்யப்பட்டனர்.

கடற்படையினர்  நடத்திய விசேட ரோந்து நடவடிக்கையின் போதே, சுமார் 139 கிலோ  930 கிராம் கேரளா கஞ்சாவை கைப்பற்றினர்.  

மணற்காட்டு கடற்பரப்பில் இருந்து, சந்தேகத்துக்கிடமான டிங்கி  படகு ஒன்று, வேகமாக பயணிப்பதை அவதானித்த கடற்படையினர், படகை நிறுத்தியுள்ளனர்.

இதன் போது  சாக்குகளை கடலில் வீசிவிட்டு, சந்தேகநபர்கள் தப்பிக்க முயன்ற போது , கடற்படையினர் அவர்களை கைதுசெய்தனர்.