ஒரு மில்லியன் அமெரிக்க டொலருடன் கைதானவருக்குப் பிணை

ஒரு மில்லியன் அமெரிக்க டொலர் நாணயத்தாளை வைத்திருந்த குற்றச்சாட்டில் கைது செய்யப்பட்ட நபரை, 60 ஆயிரம் ரூபாய் பிணையில் செல்ல மல்லாகம் மாவட்ட நீதவான் சி.சதீஸ்தரன், திங்கட்கிழமை (30) அனுமதியளித்ததாக சுன்னாகம் பொலிஸார், செவ்வாய்க்கிழமை(31) தெரிவித்தனர். 

அத்துடன், இது தொடர்பான வழக்கை எதிர்வரும் மே மாதம் 8ஆம் திகதிக்கு நீதவான் ஒத்திவைத்துள்ளதாகவும் பொலிஸார் கூறினர்.

சுன்னாகம் சபாபதிப்பிள்ளை வீதியை சேர்ந்த சந்தேகநபர், ஒரே தாளில் 1 மில்லியன் அமெரிக்க டொலரை வைத்திருந்த குற்றத்துக்காக சுன்னாகம் பொலிஸாரால் கடந்த 16 அம் திகதி கைது செய்யப்பட்டு, மல்லாகம் நீதிமன்றத்தால் விளக்கமறியில் வைக்கப்பட்டிருந்தார்.