தேர்த்திருவிழாவில் சங்கிலி அறுத்தவர் கைது

-எம்.றொசாந்த்

வண்ணார்பண்ணை சிவன் கோவில் தேர்த்திருவிழாவில் சங்கிலி அறுத்தார் என்ற சந்தேகத்தில் பெண் ஒருவர் வியாழக்கிழமை (02) கைது செய்யப்பட்டுள்ளார்.

கைது செய்யப்பட்ட பெண் திருகோணமலையைச் சேர்ந்தவர் என்றும் அவரிடம் இருந்து 4 சங்கிலியும் 15 ஆயிரம் ரூபாய் பணம் மற்றும் அலைபேசி போன்றவை மீட்கப்பட்டுள்ளதாகவும் யாழ்ப்பாண பொலிஸார் தெரிவித்துள்ளனர்.

அத்துடன் கைது செய்யப்பட்ட பெண்ணுடன் மேலும் இரண்டு பெண்கள் ஆலயத்துக்கு வந்திருந்ததாகவும் அவர்கள் இருவரும் தப்பி சென்று விட்டதாகவும் அவர்களை கைது செய்ய நடவடிக்கை எடுத்துள்ளதாகவும் பொலிஸார் தெரிவித்தனர்.