கரைச்சி பிரதேச சபை பட்ஜெட் வெற்றி

எஸ்.என் நிபோஜன், சுப்ரமணியம் பாஸ்கரன்

கரைச்சி பிரதேச சபையின் 2021ஆம் ஆண்டுக்கான நிதியறிக்கை (பட்ஜெட்), பிரதேச சபையின் தவிசாளர் அருணாசலம் வேழமாலிகிதன் தலைமையில் இன்று (19) காலை 9.45 மணியளவில் சமர்ப்பிக்கப்பட்ட போது, 7 மேலதிக வாக்குகளால் பட்ஜெட் வெற்றிபெற்றுள்ளது. 

இதன்போது இடம்பெற்ற வாக்கெடுப்பில் ஆதரவாக 20 வாக்குகளும், எதிராக 13 வாக்குகளும் கிடைத்தன. தமிழ்த் தேசிய மக்கள் முன்னணியின் உறுப்பினர் ஒருவரும், சுயேட்சைக்குழு உறுப்பினர் ஒருவரும் நேற்றைய சபையில் கலந்துகொண்டிருக்கவில்லை.

ஆதரவாக, தமிழ்த் தேசியக் கூட்டமைப்பின் உறுப்பினர்களுடன் தமிழர் விடுதலைக் கூட்டணியின் உறுப்பினர் ஒருவரும், ஐக்கிய தேசியக் கட்சியின் உறுப்பினர் ஒருவரும், சுயேட்சைக்குழு உறுப்பினர் ஒருவரும் வாக்களித்தனர். 

எதிராக சுயேட்சைக்குழு உறுப்பினர்களும், தமிழ்த் தேசிய மக்கள் முன்னணியின் உறுப்பினர் ஒருவரும், ஈழமக்கள் ஜனநாயக கட்சியின் உறுப்பினர் ஒருவரும் வாக்களித்தனர்.