பருத்தித்துறையில் இரு மதுபான சாலைகளுக்கு பூட்டு

-எஸ். நிதர்ஷன்

பருத்தித்துறை  சுகாதார வைத்திய அதிகாரி பணிமனைக்குட்பட்ட பருத்தித்துறை கிராம கோட்டு சந்தியிலுள்ள மதுபான விற்பனை நிலையம் மற்றும் ஆனைவிழுந்தான்  மதுபான விற்பனை நிலையம்  என்பன இன்று பொதுச் சுகாதார பரிசோதகரால் 14 நாள்களுக்கு மூடப்பட்டுள்ளன.

கடந்த வாரம் ஆனைவிழுந்தான் மதுபான விற்பனை நிலையத்தின் பாதுகாப்பு உத்தியோகத்தருக்கு கொரோனா தொற்று உறுதி செய்யப்பட்ட நிலையில், அங்கு பணியாற்றியோருக்கு பிசிஆர் பரிசோதனை மேற்கொள்ளப்பட்டது.

அதில், மதுபானம் விற்பனை நிலையத்தின் மேலுமொரு பணியாளருக்கு  கொரோனா தொற்று உறுதி செய்யப்பட்டுள்ளது. 

அத்துடன், கிராமக்கோட்டுப் பகுதி மதுபான விற்பனை நிலையத்தில் பணிபுரியும் ஒருவருக்கும்  கொரோனா தொற்று உறுதி செய்யப்பட்டதுடன், அங்கு பணியாற்றியவர்களது உறவினர்கள் சிலருக்கும் கொரோனா தொற்று உறுதி செய்யப்பட்டுள்ளது.

இந்நிலையில் குறித்த மதுபான விற்பனை நிலையமும் 14 நாள்கள் மூடப்பட்டதுடன், தொற்றாளர்கள் தனிமைப்படுத்தப்பட்டுள்ளனர்.