யாழ். மாநகர சபையின் பாதீடு தோற்கடிப்பு

-எஸ்.நிதர்ஷன், என்.ராஜ், எம்.றொசாந்த்

யாழ்ப்பாணம் மாநகர சபையின் 2020ஆம் ஆண்டுக்கான வரவு - செலவுத் திட்டம், 5 மேலதிக வாக்குகளால் தோற்கடிக்கப்பட்டது.

யாழ்ப்பாணம் மாநகர சபையின் அமர்வு, சபை மாநாட்டு மண்டபத்தில், மேயர் இமானுவேல் ஆர்னோல்ட் தலைமையில், இன்று (28) நடைபெற்றது.

இதன்போது, சபையில் சமர்ப்பிக்கப்பட்ட வரவு - செலவுத் திட்டத்துக்கு, தமிழ்த் தேசியக் கூட்டமைப்பின் உறுப்பினர்கள் ஆதரவு தெரிவித்தபோதும், ஈழ மக்கள் ஜனநாயகக் கட்சி உறுப்பினர்களும் தமிழ்த் தேசிய மக்கள் முன்னணி உறுப்பினர்களும் எதிர்ப்பை வெளிப்படுத்தினர்.

வரவு – செலவுத் திட்டததுக்கு ஆதரவாக, 16 பேரும் எதிராக, 21 பேரும் வாக்களித்தனர்.

அதேநேரத்தில், 7 உறுப்பினர்கள் அமர்வுக்கு சமூகமளிக்கவில்லை.

இதையடுத்து, 5 மேலதிக வாக்குகளால், மாநகர சபையின் வரவு - செலவுத் திட்டம் தோறகடிக்கப்பட்டமை குறிப்பிடத்தக்கது.