விமானங்களைப் பார்வையிட்ட சிறார்கள்

செல்வநாயகம் கபிலன்

அச்சுவேலி புனித திரெசா கல்லூரியின் பாலர் வகுப்பு மாணவர்கள், பலாலி விமான நிலையத்துக்கு நேற்று சென்று, விமானங்களைப் பார்வையிட்டு மகிழ்ந்தனர்.

உயர் பாதுகாப்பு வலயத்தில் அமைந்துள்ள இவ்விமான நிலையத்தினை பார்வையிடுவதற்கு, அனுமதியினை அவர்கள் கோரியிருந்தனர்.

இதற்கான அனுமதியினைஈ பாதுகாப்புப் படைகளின் மாவட்ட கட்டளை தளபதி மேஜர் ஜெனரல் தர்சன ஹெட்டியாராச்சி வழங்கியிருந்தார்.

பஸ்ஸொன்றில் மாணவர்களை, இராணுவத்தினர் விமான நிலையம் அழைத்துச் சென்று, அங்குள்ள விமானங்களைக் காண்பித்தனர்.

75க்கு அதிகமான மாணவர்கள், இக்கல்விச் சுற்றுலாவினை மேற்கொண்டதுடன், மாணவர்களின் பெற்றோரும் இணைத்துக் கொள்ளப்பட்டிருந்தனர்.