வெள்ளத்தால் பாதிக்கப்பட்ட மக்களுக்கு உதவிகள்

-சண்முகம் தவசீலன் 

கடந்த சில வாரங்களாக பெய்துவரும் மழை காரணமாக வெள்ளத்தால் பாதிக்கப்பட்டு இடம்பெயர்ந்த முல்லைத்தீவு மக்களுக்கான உதவிகளை பெற்றுதரும் பொருட்டு மொறட்டுவ பல்கலைக்கழக மாணவர்களால் வெள்ள நிவாரண பணியொன்று ஒழுங்கு செய்யப்பட்டது. 

இதற்காக கடந்த மூன்று தினங்களாக கொழும்பு மாவட்டத்தின் பல்வேறு பகுதிகளிலும் நிவாரணப்பொருட்கள சேகரிக்கும் பணிகள் நடைபெற்றன.

சேகரிக்கப்பட்ட பொருட்கள் இன்று திங்கட்கிழமை (23) முல்லைத்தீவுக்கு எடுத்துவரப்பட்ட அனைத்து பொருட்களும் வெள்ளத்தால் பாதிக்கப்பட்ட மக்களிடம் கையளிக்கப்பட்டன. 

இந்த செயற்திட்டத்தின் மூலம் முத்தையன்கட்டு குளம், திருமுறிகண்டி, இந்துபுரம் மற்றும் புதுக்குடியிருப்பு ஆகிய இடங்களில் பாதிக்கப்பட்ட சுமார் 300க்கு மேற்பட்ட குடும்பங்களுக்கு போதுமான உலர் உணவுப்பொருட்கள், மருந்துப்பொருட்கள், பாடசாலை உபகரணங்கள் மற்றும் உடைகள் என்பன கையளிக்கப்பட்டமை குறிப்பிடத்தக்கது.