பாலாவியில் தேசத்திற்கு மகுடம் நடமாடும் சேவை

-எம்.எஸ்.முஸப்பிர்

 

"தேசத்திற்கு மகுடம்" அபிவிருத்தித் திட்டத்தின் கீழ் புத்தளம் மாவட்டத்தில் மேற்கொள்ளப்பட்டு வரும் மக்கள் குறைகளை இனங்கண்டு அவற்றைத் தீர்த்து வைக்கும் நடமாடும் சேவைகளில் ஒருகட்டமாக புத்தளம் பிரதேச செயலகப் பிரிவுக்குட்பட்ட பாலாவி கிராம உத்தியோகத்தர் பிரிவுக்கான நடமாடும் சேவை இன்று வெள்ளிக்கிழமை இடம்பெற்றது.

 

புத்தளம் பிரதேச செயலாளர் எம்.ஆர்.எம்.மலிக் தலைமையில் இடம்பெற்ற இந்நடமாடும் சேவையில் புத்தளம் ஸ்ரீ லங்கா சுகந்திரக் கட்சியின் பிரதான அமைப்பாளரும், நகர பிதாவுமான கே.ஏ. பாயிஸ் பிரதம அதிதியாகக் கலந்து கொண்டார். இந்நிகழ்வில் குறைந்த வருமானம் பெறுவோருக்கு இலவச மூக்குக் கண்ணாடி வழங்கப்பட்டதோடு இரத்த பரிசோதனைகளும் செய்து கொடுக்கப்பட்டன. அத்துடன் காணி, மின்சாரம், அடையாள அட்டை, குடிநீர் போன்ற அனைத்து தேவைகளையும் நிறைவேற்றிக் கொடுப்பதற்கான நடவடிக்கைகளும் முன்னெடுக்கப்பட்டன. 

 

இந்த சேவையில் நூற்றுக்கணக்கான மக்கள் கலந்து பயனடைந்தனர்.