லொறிகள் மோதி விபத்து; மூவர் வைத்தியசாலையில்

துஷார தென்னகோன்

பொலன்னறுவை, மன்னம்பிட்டி பிரதேசத்தில், இன்று (30) கா​லை இடம்பெற்ற வாகன விபத்தில், மூவர் படுகாயமடைந்து பொலன்னறுவை வைத்தியசாலையில் அனுமதிக்கப்பட்டுள்ளனர்.

மட்டக்களப்பில் இருந்து பொலன்னறுவைக்குச்  சென்றுகொண்டிருந்த லொறியும், கொழும்பிலிருந்து மட்டக்களப்புக்குச் சென்றுகொண்டிருந்த லொறியும், மோதி விபத்துக்குள்ளாகியுள்ளன.

வைத்தியசாலையில் அனுமதிக்கப்பட்டுள்ளவர்களில் 8 வயதுடைய சிறுமியின் நிலை கவலைக்கிடமாக உள்ளதாக, வைத்தியசாலைத் தகவல்கள் தெரிவிக்கின்றன.

விபத்து தொடர்பில், பொலன்னறுவை பொலிஸார், விசாரணைகளை முன்னெடுத்து வருகின்றனர்.