One Galle Face Mallஇல் JAT அனுபவ மய்யம்

கொழும்பிலுள்ள One Galle Face Mall இல் JAT Holdings தனது வாடிக்கையாளர் அனுபவ மையத்தை திறந்து வைத்துள்ளது.  

3ஆவது தளத்தில் 38/39 என்ற இலக்கத்தில் அமையப்பெற்றுள்ள இந்த மையமானது SEA Baufomat, Herman Miller பணிச்சூழல் அலுவலக தளபாடங்கள், Lifewood மர தரையமைப்பு ஆகிய மூன்று உலகப்பிரசித்தி பெற்ற பிரதான வர்த்தகநாமங்களிடமிருந்து அதியுயர் தரத்திலான சமையலறைக் கட்டமைப்புக்கள், தளபாட வகை மற்றும் தரையமைப்பு உற்பத்திகளை அனைவரும் நேரடியாக சென்று பார்ப்பதற்கு இடமளிக்கின்றது. 

வேறு எங்கிலும் கிடைக்காத அனுபவத்தை இந்த “JAT அனுபவ மய்யம்” வழங்குவதுடன், JAT வழங்கும் பன்முக, நேரடி அனுபவத்தினூடாக தமது உற்பத்திகள் தொடர்பான விசேடமான காட்சி மற்றும் உள்ளார்ந்த செயன்முறை விளக்கங்கள் கிடைக்கப்பெறுகின்றன.

வாடிக்கையாளர்களுடனான ஈடுபாடு, சேவை ஆகியவற்றை மேம்படுத்தும் முயற்சியாக, வர்த்தகநாமம், அதன் உற்பத்திகள் தொடர்பில் நுகர்வோரின் முழுமையான முன்னோக்குக்கு இந்த அனுபவம் மய்யம் பங்களிப்பதுடன், இந்த ஈடுபாடுகள் மூலமாக சாதகமான, அர்த்தமுள்ள அனுபவத்தை அறுவடை செய்து, புத்தாக்கத்தை தொடர்ச்சியாக முன்னெடுப்பதில் JAT இன் அர்ப்பணிப்புடனான ஈடுபாட்டையும் காண்பிக்கின்றது.