Stafford மற்றும் Inventive Polymers நன்கொடை

இலங்கையில் ஹொண்டாவின் அங்கீகரிக்கப்பட்ட விநியோகஸ்தரான Stafford Motors, தனது துணை நிறுவனமான Inventive Polymers Lanka (Pvt) Ltd உடன் கொவிட்-19 நெருக்கடியிலிருந்து மீள்வதற்கான தேசிய முயற்சித் திட்டத்தை ஆதரிப்பதற்காக முகக் கவசங்களை நன்கொடையாக வழங்கும் பொருட்டு  இணைந்துள்ளது.

Stafford Group, இலங்கையர்களின் வாழ்க்கைத் தரத்தை மேம்படுத்துவதில் கவனம் செலுத்தும் முயற்சிகளுடன், தனது சமூக பொறுப்புணர்வு நடவடிக்கைகள் நன்கு பொருந்துகின்றது என்பதில் நிலையுறுதியுடைய தொலைநோக்குப் பார்வை கொண்ட நன்கு மதிக்கப்படும் உள்நாட்டு நிறுவனமாகும். முகக் கவசங்களின் அவசியம் சுகாதாரத் துறையின் முன்னின்று பணியாற்றுவோருக்கும்,  பாதுகாப்பு அதிகாரிகளுக்கும் இந் நேரத்தின் முக்கிய தேவையாகும்.

IPL என்றறியப்படும் Inventive polymers Lanka (Pvt) Ltd, ஆராய்ச்சி மற்றும் அபிவிருத்தி மற்றும் பொலிமர் அடிப்படையிலான பாதுகாப்பு உபகரணங்களை தயாரிப்பதில் ஈடுபட்டுள்ள ஒரு நிறுவனமாகும். பாதுகாப்பு முகக் கவசத்தின் வடிவமைப்பு, உருவாக்கம் மற்றும் தயாரிப்பு ஆகியன ஈPள் இனால் மேற்கொள்ளப்பட்டதுடன், ‘ IPLமுகக் கவசத்துக்கான’ கேள்வி, உள்நாட்டு மற்றும் வெளிநாட்டு வாடிக்கையாளர்களிடமிருந்து அதிகரித்து வருவதாக அந்நிறுவனம் தெரிவிக்கின்றது.

இவ்விரு நிறுவனங்களும் இணைந்து 500 முகக் கவசங்களை பொதுச் சுகாதார பரிசோதர்களின் சங்கத்துக்கும், 100ஐ ஐ.டி.எச். வைத்தியசாலைக்கும், 50 முகக் கவசங்களை மருத்துவ ஆராய்ச்சி ஸ்தாபனத்துக்கும், மேலும் சிலவற்றை சில பொலிஸ் நிலையங்களுக்கும் நன்கொடையாக வழங்கியுள்ளது.

நன்கொடை அளிக்கப்பட்ட முகக் கவசங்கள், மீண்டும் பயன்படுத்தக்கூடிய முகக் கவசங்கள் என்பதுடன், அவை உலக சுகாதார ஸ்தாபனத்தின் தர நியமங்களின் பிரகாரம் தயாரிக்கப்பட்டுள்ளது. இந்த ஒளிபுகக்கூடிய கவசமானது இலகு ரக தலைப்பட்டியைக் கொண்டுள்ளது. இது நெற்றியில் பொருந்தும் வகையில் தனித்துவமாக வடிவமைக்கப்பட்டுள்ளதுடன், ஒளிபுகக்கூடிய முன்பக்கமானது பொலிகார்பனேட்டினால் தயாரிக்கப்படுகிறது. இது தூசு மற்றும் மூடுபனி ஆகியவற்றை தாக்குப் பிடிக்கக்கூடியது. சுத்தம் செய்வது இலகுவானது என்பதுடன் மற்றும் நீடித்த பாவனைக்குகந்தது. எனவே, இது முன் களத்தில் பணிபுரிவோர் தங்கள் பணிகளில் எளிதாக ஈடுபட உதவும்.