அல்ட்ராடெக் சீமெந்து வாடிக்கையாளர்களுக்கு அனுகூலம்

பெறுமதி சேர் வரியை குறைத்துள்ளமை மற்றும் தேசத்தை கட்டியெழுப்பும் வரியை நீக்கியுள்ளமையை அல்ட்ராடெக் சீமெந்து லங்கா (பிரைவட்) லிமிடெட் வரவேற்றுள்ளது. இதன் காரணமாக சீமெந்தின் விற்பனை விலையில் குறைவு ஏற்படுத்தப்பட்டு, இலங்கையின் நிர்மாணத்துறைக்கு அதன் அனுகூலத்தை பெற்றுக் கொடுப்பதற்கான நடவடிக்கையை முன்னெடுக்கவுள்ளதாக நிறுவனம் வெளியிட்டுள்ள அறிக்கையில் தெரிவித்துள்ளது. 

இலங்கையின் பொருளாதார வளர்ச்சிக்கான அர்ப்பணிப்பின் ஒரு அங்கமாக நிறுவனம் இந்த வரிகளின் ஏற்படுத்தப்பட்டுள்ள திருத்தங்களினூடான அனுகூலத்தை 2019 டிசம்பர் 1ஆம் திகதி முதல் இலங்கையின் சகல பிரிவுகளையும் சேர்ந்த வாடிக்கையாளர்களுக்கும் பெற்றுக் கொடுப்பதற்கு முன்வந்துள்ளது. சீமெந்தின் விலை குறைந்துள்ளதுடன், வாடிக்கையாளர்களுக்கு அனுகூலமளிப்பதாகவும் அமைந்துள்ளது.