12 இந்திய மீனவர்களுக்கும் விளக்கமறியல்

எஸ்.றொசேரியன் லெம்பேட்

இலங்கைக் கடற்பரப்பினுள் அத்துமீறி நுழைந்து மீன்பிடியில் ஈடுபட்ட இந்திய மீனவர்கள் 12 பேரையும், எதிர்வரும் ஜனவரி மாதம் 4 ஆம் திகதி வரை விளக்கமறியலில் வைக்குமாறு மன்னார் பதில் நீதவான் இ.கயஸ் பெல்டானோ உத்தரவிட்டார்.

புதன்கிழமை (21) அதிகாலை கைதுசெய்யப்பட்ட குறித்த மீனவர்கள், மன்னார் தாழ்வுபாட்டு கடற்படையினரின் விசாரணைகளின் பின்னர், மன்னார் மாவட்ட கடற்தொழில் திணைக்கள அதிகாரிகளிடம் ஒப்படைக்கப்பட்டனர்.

கடற்தொழில் திணைக்கள அதிகாரிகள் குறித்த மீனவர்களிடம் விசாரனைகளை மேற்கொண்ட நிலையில், மன்னார் பதில் நீதவான் முன்னிலையில் அஜர்படுத்தினர்.