தடை செய்யப்பட்ட வலைகளை பயன்படுத்தியவர்களுக்கு அபராதம்

-சுப்பிரமணியம் பாஸ்கரன்

கிளிநொச்சி, பூநகரி கடலில் தடை செய்யப்பட்ட வலைகளை பயன்படுத்தி மீன்பிடித்த 5 பேருக்கு தலா 3,000 ரூபாய் அபராதம் விதித்து கிளிநொச்சி நீதவான் நீதிமன்ற நீதவான் எம்.ஐ.வகாப்தீன் வியாழக்கிழமை (23) உத்தரவிட்டார்.

கிளிநொச்சி கடற்றொழில் நீரியல் வளத்துறை அதிகாரிகள் பூநகரி பொலிஸாருடன் இணைந்து நடத்திய சோதனை நடவடிக்கையில் தடை செய்யப்பட்ட வலைகளைப் பயன்படுத்தி மீன்பிடித்த 5 மீனவர்கள் வியாழக்கிழமை (23) கைது செய்யப்பட்டதுடன், அவர்களின் வலைகளும் பறிமுதல் செய்யப்பட்டன.

கைது செய்யப்பட்டவர்கள் நீதிமன்றத்தில் ஆஜர்ப்படுத்தப்பட்டனர். அவர்களின் வலைகளை எரிக்குமாறு நீதவான் நீரியல் வளத்துறை அதிகாரிகளுக்கு உத்தரவிட்டார்.