வவுனியா விமானப் படைத்தள வயல்வெளிக்கு தீ வைப்பு

-ரொமேஸ் மதுசங்க

வவுனியா, மாமடு பிரதேசத்தில் அமைந்துள்ள விமானப் படைத்தளத்துக்கு முன்னால் உள்ள வயல்வெளி, ஞாயிற்றுக்கிழமை (02) இரவு இனந்தெரியாதோர் சிலரால் தீ வைக்கப்பட்டுள்ளது.

இந்த தீ, விமானப் படைத்தளத்தை நோக்கி பரவி வந்ததால், அதனை கட்டுப்படுத்த விமானப்படையினர் பாரிய முயற்சிகளை மேற்கொண்டதாக படைத்தள அதிகாரிகள் கூறினர்.

இந்த தீ காரணமாக, வயல்வெளிக்கு அருகிலுலுள்ள காட்டுப் பகுதியும் தீர்க்கிரையாகியுள்ளது.

விமானப்படையினரின் கடும் பிரயத்தனத்துக்கு மத்தியில் விமானப் படைத்தளம் பாதுகாக்கப்பட்டதாக கூறிய மடுகந்த பொலிஸார், இந்த தீ வைப்புச் சம்பவத்துடன் தொடர்புடைய சந்தேகநபர்களைக் கைது செய்ய நடவடிக்கை எடுத்துள்ளதாகக் கூறினர்.