வேகக் கட்டுப்பாட்டை இழந்த லொறி விபத்து

-சுப்பிரமணியம் பாஸ்கரன்

கொழும்பில் இருந்து யாழ்ப்பாணம் நோக்கி பயணித்துக்கொண்டிருந்த பாரவூர்தி ஒன்று, செவ்வாய்க்கிழமை (11) ஆனையிறவு பகுதியில் தடம் புரண்டு விபத்துக்குள்ளாகியதில் லொறியின் சாரதி காயமடைந்துள்ளார்.

சாரதிக்கு தூக்கம் ஏற்பட்டதால், வாகனம் வேகக் கட்டுப்பாட்டை இழந்து தடம்புரண்டு விபத்துக்குள்ளாகியதாக விசாரணைகளிலிருந்து தெரியவந்ததாக கிளிநொச்சி பொலிஸார் தெரிவித்தனர்.

காயமடைந்த சாரதி, கிளிநொச்சி ஆதார வைத்தியசாலையில் அனுமதிக்கப்பட்டுள்ளார் எனவும் சம்பவம் தொடர்பில் தொடர்ந்து விசாரணைகள் நடத்தப்பட்டு வருவதாகவும் பொலிஸார் மேலும் தெரிவித்தனர்.