அக்கராயன் பிரதேச மருத்துவமனைக்கு நிரந்தர வைத்தியர்கள் நியமனம்

-நடராசா கிருஸ்ணகுமார்

கிளிநொச்சி, அக்கராயன் பிரதேச மருத்துவமனைக்கு இரு நிரந்தர வைத்தியர்கள், நேற்று ஞாயிற்றுக்கிழமை (18) வருகைதந்துள்ளனர்.

மத்திய சுகாதார அமைச்சினால் கடந்த 10ஆம் திகதி நியமிக்கப்பட்ட இரு வைத்தியர்களும் இன்று திங்கட்கிழமை (19) முதல் தமது கடமைகளை ஆரம்பிக்கவுள்ளதாக தெரிவித்துள்ளனர்.

அக்கராயன் பிரதேச மருத்துவமனைக்கு கடந்த ஒருமாத காலமாக நிரந்தர வைத்தியர்கள் இல்லாத நிலையில் தற்போது இரு வைத்தியர்களும் நியமிக்கப்பட்டுள்ளனர்.