இருவருக்கு தொற்று: மூடப்பட்டது அலுவலகம்

-க. அகரன்

வவுனியா மாவட்ட கமநல அபிவிருத்தி திணைக்கள அலுவலகத்தில் பணிபுரியும் உத்தியோகத்தர்கள் இருவருக்கு கொரோனா தொற்று உறுதிசெய்யப்பட்டதை அடுத்து, அந்தத் திணைக்களமும் மூடப்பட்டுள்ளது.

அத்துடன், அதன் பணியாளர்களை 2 நாள்களுக்கு வீட்டிலிருந்து கடமையாற்றுவதற்கு பணிக்கப்பட்டுள்ளது.

மேலும், முன்னெச்சரிக்கை நடவடிக்கையாக திணைக்களத்தின் பணிகள் மட்டுப்படுத்தப்பட்டுள்ளன.

எனவே, பொதுமக்கள் தேவை நிமித்தம் திணைக்களத்துக்குச் செல்வதை தவிர்த்துகொள்ளுமாறு கோரப்பட்டுள்ளது.