கேரள கஞ்சாவுடன் குடும்பஸ்தர் கைது

எஸ்.றொசேரியன் லெம்பேட்

தலைமன்னார் படப்பிடி பகுதியில் சுமார் 3 இலட்சத்து 50 ஆயிரம் ரூபாய் பெறுமதியான கேரள கஞ்சாப்பொதிகளை தன்வசம் வைத்திருந்தார் என்ற சந்தேகத்தின் பேரில், குடும்பஸ்தரை ஒருவரை இன்று சனிக்கிழமை (03) கைது செய்துள்ளதாக மன்னார் மாவட்ட போதைப்பொருள் தடுப்பு பிரிவு அதிகாரி உப பொலிஸ் பரிசோதகர் உ.கௌசிகன் தெரிவித்தார்.

மன்னார் மாவட்ட போதைப்பொருள் தடுப்பு பிரிவு பொலிஸ் அதிகாரிகளுக்கு கிடைக்கப்பெற்ற இரகசிய தகவலையடுத்தே குறித்த சந்தேக நபர் கைது செய்யப்பட்டுள்ளார்.

தலைமன்னார் கிராமம் பகுதியைச் சேர்ந்த குடும்பஸ்தரே இதன்போது கைது செய்யப்பட்டுள்ளார்.

இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.