’காலநிலைக்கேற்றவாறு பயிர்ச் செய்கையில் ஈடுபடவும்’

-நடராசா கிருஸ்ணகுமார்

காலநிலைக்கேற்றவாறு மாவட்டத்தின் அனைத்து விவசாயிகளும் காலபோக பயிர்ச் செய்கையில் ஈடுபடுமாறு, முல்லைத்தீவு மாவட்டச் செயலாளர் திருமதி.ரூபவதி கேதீஸ்வரன் தெரிவித்தார்.

மாவட்டச் செயலகத்தில், நேற்று (17) நடைபெற்ற விவசாயக் குழுக் கூட்டத்தில் கலந்துகொண்டு உரையாற்றும் போதே, அவர் மேற்கண்டவாறு தெரிவித்தார். மழை காலம் ஆரம்பித்துள்ளதால், விவசாயிகள் பயிர்ச் செய்கைகளில் கூடுதலாக ஈடுபட வேண்டுமெனவும் விவசாய முயற்சிகள் காரணமாகவே மாவட்டம் பொருளாதார ரீதியாக பலமடையுமெனவும் கூறினார்.

எனவே, காலநிலைக் கேற்றவாறு, அனைத்து நிலங்களையும் விவசாய முயற்சிகளுக்கு பயன்படுத்துமாறும், அவர் கேட்டுக்கொண்டார்.