’குப்பை கிடங்கு இருப்பது தெரிந்தும் மக்கள் குடியேற்றம் செய்திருக்கிறார்கள்’

-க. அகரன்

பம்பைமடு பகுதியில், குப்பை கிடங்கு இருப்பது தெரிந்தும், மக்கள் குடியேற்றப்பட்டுள்ளார்களெனக் குற்றஞ்சாட்டிய வவுனியா தெற்குத் தமிழ்ப் பிரதேச சபைத் தவிசாளர் து.நடராஜசிங்கம், பல வருடங்களுக்கு முன்னரே இருந்த குப்பை கிடங்குக்கு அருகில் வீட்டைக் கட்டுவதென்பது சரியான விடயமில்லையெனவும் தெரிவித்தார்.

வவுனியா - மன்னார் வீதி, புதிய சாளம்பைக்குளம் கிராமத்துக்கு அருகில் பாதுகாப்பற்ற முறையில் அமைக்கப்பட்டுள்ள குப்பைமேட்டை அகற்றுமாறு கோரி, அப்பகுதி மக்களால், நேற்று (22) காலை 6 மணிக்கு கவனயீர்ப்புப் போராட்டமொன்று ஆரம்பிக்கப்பட்டது.

இந்தக் கவனயீர்ப்புப் போராட்டம், இன்று (23) 2ஆவது நாளாகவும் தொடர்ந்து முன்னெடுக்கப்பட்டது.

இந்நிலையில், குறித்த விடயம் தொடர்பில் ஊடகங்களுக்கு, நேற்று (23), கருத்துத் தெரிவித்த போதே, அவர் மேற்கண்டவாறு தெரிவித்தார்.