‘நான் மட்டுமே எதிர்க்கட்சி எம்.பி’

-செ.கீதாஞ்சன்

வன்னி மாவட்டத்தில் எதிர்க்கட்சியில் இருக்கும் ஒரோயொரு நாடாளுமன்ற உறுப்பினர் என்றால் அது தானாகத்தான் இருக்குமெனத் தெரிவித்த நாடாளுமன்ற உறுப்பினர் காதர் மஸ்தான், ஏனைய அனைவரும் ஆளுங்கட்சி நாடாளுமன்ற உறுப்பினர்கயெனவும் கூறினார்.

நேற்று (09) நடைபெற்ற முல்லைத்தீவு - குமுழமுனை மகா வித்தியாலய மாணவர்களுக்கு கற்றல் உபகரணம் வழங்கும் நிகழ்வில் கலந்துகொண்டு உரையாற்றும் போதே, அவர் இவ்வாறு தெரிவித்தார்.

அங்கு தொடர்ந்துரையாற்றிய அவர், தமிழ்த் தேசியக் கூட்டமைப்பை எடுத்துக்கொண்டாலும், அவர்களும் ஆயுங்கட்சிதானெனவும் அவர்கள் எதிர்க்கட்சி என்று கூறிக்கொண்டாலும், ஆளுங்கட்சியின் அனைத்து திட்டங்களையும் ஆதரிப்பார்களெனவும் தெரிவித்தார்.

அத்துடன், தாங்கள் ஒரு சந்தர்ப்பத்தை எதிர்பார்த்திருப்பதாகவும், அவர் மேலும் கூறினார்.