படையினர் மீது தாக்குதல்; மூவருக்கு வலைவீச்சு

-செ.கீதாஞ்சன்

புதுக்குடியிருப்பில், படையினரின் சோதனை நிலையத்தில், கடமையில் இருந்த படை வீரரை மதுபோதையில் தாக்கிய சம்பவத்துடன் தொடர்புடைய இளைஞரை, செப்டெம்பர் 24ஆம் திகதி வரை விளக்கமறியலில் வைக்குமாறு, முல்லைத்தீவு மாவட்ட நீதவான் நீதிமன்றம், திங்கட்கிழமை (09) உத்தரிவட்டுள்ளது.

அத்துடன், சம்பவத்துடன் தொடர்புடைய மேலும் மூவரை உடனடியாக கைதுசெய்து, மன்றில் முன்னிலைப்படுத்துமாறு, புதுக்குடியிருப்பு பொலிஸாருக்கு, நீதிமன்றம் உத்தரவிட்டுள்ளது.

இந்நிலையில், சம்பவத்துடன் தொடர்படைய ஏனைய இளைஞர்கள் மூவரையும்  தேடிவருவதாக, பொலிஸார், இன்று (12) தெரிவித்துள்ளமை குறிப்பிடத்தக்கது.