மன்னாரில் கோட்டாவின் ஆதரவாளர்கள் வெற்றிக் கொண்டாட்டம்

-எஸ்.றொசேரியன் லெம்பேட்

ஜனாதிபதியாக தெரிவுசெய்யப்பட்ட கோட்டாபய ராஜபக்‌ஷ ஜனாதிபதியாக சத்தியப்பிரமாணம் செய்து கொண்டுள்ள நிலையில், மன்னார் மாவட்டத்தில் உள்ள ஆதரவாளர்கள், மன்னார் பஸார் பகுதியில், இன்று (18), பாற்சோறு வழங்கி வெற்றிக்கொண்டாட்டத்தில் ஈடுபட்டனர்.

ஸ்ரீ லங்கா பொது ஜன பெரமுன கட்சியின் மன்னார் மாவட்ட அமைப்பாளரும் மன்னார் நகர சபை உறுப்பினருமான செல்வக்குமரன் டிலான் தலைமையில் இந்நிகழ்வு நடைபெற்றது.

இதன்போது, ஆதரவாளர்களால் பட்டாசு கொழுத்தி, மக்களுக்கு பாற்சோறு வழங்கி, வெற்றிக் கொண்டாட்டப்பட்டது.

இதன்போது கருத்துத் தெரிவித்த செல்வக்குமரன் டிலான், ஜனாதிபதியாகப் பதவியேற்றுள்ள கோட்டாபய ராஜபக்‌ஷவுடைய வெற்றியை, மன்னார் மாவட்ட சிறுபான்மை மக்களாகிய தாங்களும் கொண்டாடுவதாகவும்  ஜனாதிபதி கோட்டாபய ராஜபக்‌ஷவின் வெற்றிக்காகப் பாடுபட்ட அனைவருக்கும் நன்றிகளைத் தெரிவித்துக் கொள்வதாகவும் கூறினார்.