‘முல்லைத்தீவில் 5 வீடுகள் சேதம்’

-செ.கீதாஞ்சன்

முல்லைத்தீவு மாவட்டத்தில் நிலவும் மழையுடனான வானிலை காரணமாக, 5 வீடுகள் சேதமடைந்துள்ளதாக, மாவட்ட அனர்த்த முகாமைத்துவ உதவிப் பணிப்பாளர் எஸ்.லிங்கேஸ்வரகுமார் தெரிவித்தார்.

புதுக்குடியிருப்பு பிரதேசத்துக்கு உட்பட்ட பகுதிகளில் ஏற்பட்ட மழை வெள்ளத்தால் இரண்டு வீடுகளும் வள்ளிபுனம் பகுதியில் வீசிய கடும்காற்று காரணமாக மரம் முறிந்து வீழ்ந்ததில் ஒரு வீடும், விசுவமடு மேற்கு பகுதியில் ஏற்பட்ட வௌ்ளத்தால் ஒரு வீடும் ஒட்டுசுட்டான் - சாளம்பன் பகுதியில் ஏற்பட்ட மின்னல் தாக்கத்தில் ஒரு வீடும் சேதமடைற்துள்ளதாக, லிங்கேஸ்வரகுமார் தெரிவித்தார்.

இதேவேளை, முல்லைத்தீவு மாவட்ட கமநல அபிவிருத்தி திணைக்களத்தின் கீழ் உள்ள 15 சிறு குளங்களின் நீர்மட்டம் அதிகாரித்து, வான்பாய்கின்ற போதிலும், பெரும் குளங்களின் நீர் மட்ட அதிகாரிப்பு குறைவாகக் காணப்படுகின்றது.

அத்துடன், நந்திக்கடல் நீர் ஏரியின் நீர் அதிகரித்துள்ளதால், மீனவர்கள் மகிழ்ச்சியடைந்து, தொழில்களை மேற்கொண்டு வருகின்றமை குறிப்பிடத்தக்கது.