ஹெரோய்னுடன் அறுவர் கைது

2 கிலோ 240 கிராம் எடையுடைய ஹெரோய்ன் போதைபொருளை கடத்திய 6 பேரை மன்னார் பள்ளிமுனை பிரதேசத்தில் வைத்து கடற்படையினர், சனிக்கிழமை கைது செய்துள்ளனர்.

கடற்படையினருக்கு கிடைத்த ரகசியத் தகவலையடுத்து  மேற்கொண்ட சோதனையின் போது இவர்கள் கைதுசெய்யப்பட்டுள்ளனர்.

கைதுசெய்யப்பட்டவர்கள் ஒருவர் இந்திய பிரஜை எனவும் ஏனைய 5 பேரும் இலங்கையர்கள் என கடற்படையினர் தெரிவிக்கின்றனர்.

இந்த ஹெரோய்னின் பெறுமதி சுமார் 3 கோடி ரூபாய் என தெரிவிக்கப்படுகின்றது.

கைதுசெய்யப்பட்ட சந்தேக நபர்கள் மற்றும் கைப்பற்றப்பட்ட ஹெரோய்னை வவுனியா பொலிஸாரிடம் ஒப்படைக்க நடவடிக்கை எடுக்கப்பட்டுள்ளதாக கடற்படையினர் மேலும் கூறினர்.