இரண்டு கர்ப்ப பைகள் கொண்ட ஒரு பெண்

இரண்டு கர்பைகளுடன் பிறந்த ஒரு பெண் ஒரே நேரத்தில் இரண்டிலும் கர்ப்பமான அரிய சம்பவம் அமெரிக்காவில் நிகழ்ந்துள்ளது.

அமெரிக்காவின் அலபாமா மாகாணத்தில் Kelsey Hatcher என்ற பெண், இரண்டு கர்பைகள் கொண்ட பெண்ணாக இருக்கிறார். அதைவிட அதிசயம், அந்த இரண்டு கருப்பையிலும் தனித்தனி குழந்தைகளை சுமந்து கொண்டு இருப்பது கண்டறியப்பட்டது. மருத்துவ வரலாற்றில் இது ஓர் அரிய நிகழ்வு.

Kelsey Hatcher மற்றும் அவரது கணவர், Caleb, இது கடவுளின் ஆசீர்வாதமாக கருதுகின்றனர். இவர்களுக்கு ஏற்கெனவே ஏழு, நான்கு மற்றும் இரண்டு வயதில் மூன்று குழந்தைகள் உள்ளனர்.

வரும் கிறிஸ்துமஸுக்கு இந்த இரண்டு குழந்தைகளும் பிறக்கவுள்ளன. ஆனால், ஒவ்வொரு கர்பையும் வெவ்வேறு நேரங்களில் சுருங்கக்கூடும் என்பதால், குழந்தைகள் மணிநேரம், நாட்கள் அல்லது வாரங்கள் இடைவெளியில் பிறக்கலாம் என்று மருத்துவர்கள் நம்புகிறார்கள்.