உலகின் வயதான மூதாட்டி 116ஆவது வயதில் காலமானார்

உலகின் மிகவும் வயதான பெண்மணியான  சூசானா முஷாட் ஜோன்ஸ், தனது 116ஆவது வயதில் நியூயோர்க்கில் காலமானார்.

சூசானா முஷாட் ஜோன்ஸ் என்ற இந்த மூதாட்டி 1899ஆம் ஆண்டில் அமெரிக்காவின் அலபாமா மாநிலத்தில் ஒரு பண்ணையில் பிறந்தார்.  கடந்த சில நாட்களாக உடல் நலமின்றி இருந்த நிலையில் அவர் மரணமடைந்துள்ளார்.

அவரது மறைவுக்குப் பின்னர் தற்போது, அவரைவிட சில மாதங்களே இளையவரான, எம்மா மொரானோ என்ற இத்தாலிய பெண்மணிதான் உலகின் மிக வயதானவர் என்றும் 19ஆம் நூற்றாண்டில் பிறந்து இன்னும் உயிருடன் இருக்கும் கடைசி நபர் என்று கருதப்படுகிறது.