தந்தை செல்வா நினைவு தினம்: மூக்குக்கண்ணாடி வழங்கல்

அமரர் தந்தை செல்வாவின் நினைவு தினத்தை முன்னிட்டு, தந்தை செல்வா நற்பணி மன்றத்தின் அனுசரணையுடன், யாழ். மாவட்ட சமூக அபிவிருத்திக் கழக அலுவலகத்தில் அங்கத்தவர்களுக்கு மூக்குக்கண்ணாடி வழங்கும் நிகழ்வு இடம்பெற்றது.

இதன்போது, தந்தை செல்வா நற்பணி மன்றத்தின் செயலாளர் எஸ். கே. தளையரட்ணம் உரையாற்றினார். அதனைத் தொடர்ந்து, யாழ். மாவட்ட சமூக அபிவிருத்திக் கழகத்தின் தலைவர் பி. ஏ. சி. குணேந்திரன், செயலாளர் செல்வி இ. சுகிர்தா மற்றும் பொருளாளர் திருமதி ந. சுதர்சினி உள்ளிட்டோர் கலந்துகொண்டு அங்கத்தவர்களுக்கு மூக்குக்கண்ணாடிகளை வழங்கி வைத்தனர்.