விபத்தில் உயிரிழந்த நபர் தொடர்பில் விசாரணைகள் ஆரம்பம்

மாதம்பே பொலிஸ் பிரிவில் புத்தளம்-கொழும்பு பிரதான வீதியின் 62 மைல்கல் பிரதேசத்தில் இடம்பெற்ற வாகன விபத்தில் உயிரிழந்த நபர் தொடர்பில் விசாரணைகளை பொலிஸார் ஆரம்பித்துள்ளனர்.

இன்று வெள்ளிக்கிழமை(28) காலை 5 மணியளவில்  இந்த விபத்து இடம்பெற்றதுடன் விபத்தில் உயிரிழந்த நபர், இதுவரை அடையாளம் காணப்படவில்லை.

உயிரிழந்த நபர் 50 வயதுடையவர் எனவும் இவர் நீல நிற டீ-சேர்ட் மற்றும் காற்சட்டை அணிந்திருந்ததாகவும் பொலிஸார் தெரிவித்துள்ளனர்.

சிலாபம் நீதவான் நீதிமன்ற நீதவானின் ஊடாக மரண விசாரணைகள் முன்னெடுக்கப்பட்டுள்ளன.

விபத்தை ஏற்படுத்திய வாகனம் தொடர்பில் தகவல் எதுவும் கிடைக்கவில்லை என தெரிவிக்கப்படுகின்றது. சிலாபம் பொலிஸார் விசாரணைகளை முன்னெடுத்துவருகின்றனர்.