வெள்ளத்தினால் 2 இலட்சம் ஏக்கர் நெல் வயல்கள் முற்றாக சேதம்

(கெலும் பண்டார)

அண்மையில் ஏற்பட்ட வெள்ளத்தினால் 200,000 ஏக்கர் நெல் வயல்கள் பாதிக்கப்பட்டுள்ளதாகவும் இந்நிலங்களில் விவசாயம் செய்வதற்காக மாத்திரம்  விதைகள் மற்றும் பசளைகள் இலவசமாக வழங்கப்படவுள்ளதாகவும் விவசாய சேவைகள் ஆணையாளர் ரவீந்திர ஹேவாவிதாரன தெரிவித்தார்.

இந்த வெள்ளத்தினால் 400,000 ஏக்கர் வயல்கள் நீரில் முழ்கிய போதிலும் 200,000 ஏக்கர் முற்றாக சேதமடைந்துள்ளதாக அவர் குறிப்பிட்டார்.

இலங்கையின் மொத்த நெல் உற்பத்தியில் 10 சதவீதமானவையே பாதிக்கப்பட்டுள்ளதாக அவர் கூறினார்.

இது தாங்க முடியாத ஒரு இழப்பல்ல. எனினும் அம்பாறை மற்றும் மட்டக்களப்பு மாவட்டங்களில் அதிக வயல் நிலங்கள் பாதிக்கப்பட்டுள்ளதாக ஆணையாளர் ரவீந்திர ஹேவாவிதாரன மேலும் தெரிவித்தார்.