மன்னாரில்...

ஐக்கிய தேசியக் கட்சியின் தேர்தல் பிரசாரக் கூட்டம், மன்னார் தனியார் பேரூந்து தரிப்பிடத்தில் இன்று வெள்ளிக்கிழமை (31) மாலை இடம்பெற்றது. இந்த பிரசாரக் கூட்டத்தில் ஐக்கிய தேசியக் கட்சியின் தலைவரும் பிரதமருமான ரணில் விக்கிரமசிங்க கலந்துகொண்டார்.

ஐக்கிய தேசியக்கட்சியின் சார்பாக வன்னி தேர்தல் தொகுதியில் மன்னார் மாவட்டத்தில் போட்டியிடும் அமைச்சர் ரிஷாத் பதியுதீன் உட்பட வேட்பாளர்களான ஜேசுநேசன் மார்க், எம்.எஹியான் ஆகியோர் இதன்போது உரை நிகழ்த்தினர். 

இதன்போது, மீள் குடியேற்ற அமைச்சர் ரி.எம்.சுவாமிநாதன், வட மாகாண சபை உறுப்பினர் றிப்கான் பதியுதீன், ஐக்கிய தேசியக்கட்சியின் மாவட்ட அமைப்பாளர்கள், உறுப்பினர்கள் மற்றும் ஆயிரக்கணக்கான பொது மக்கள் கலந்துகொண்டிருந்தனர். (படங்கள்: எஸ்.றொசேரியன் லெம்பேட்)