தற்காலிக அடையாள அட்டைகளுக்கு கபே அமைப்பின் இலவச புகைப்படங்கள்

(எம்.சுக்ரி)

மட்டக்களப்பு மாவட்டத்தில் நடைபெறவுள்ள உள்ளூராட்சிமன்ற தேர்தலில் வாக்களிப்பதற்கு தேசிய அடையாள அட்டை இல்லாதவர்களுக்கு தற்காலிக அடையாள அட்டை வழங்குவதற்கான புகைப்படங்களை கபே எனப்படும் சுதந்திரமானதும் நீதியானதுமான தேர்தலுக்கான மக்கள் இயக்கம் இலவசமாக எடுத்து வழங்கி வருகின்றது.

காத்தான்குடி மற்றும் ஏறாவூர் ஒட்டமாவடி ஆகிய பிரதேச செயலாளர் பிரிவுகளிலுள்ள கிராம உத்தியோகத்தர்கள் ஊடாக தற்காலிக அடையாள அட்டைகளுக்கான இலவச புகைப்படங்கள் வழங்கப்பட்டு வருகின்றன.

இவ்வாறு இலவச புகைப்படங்கள் வழங்கும் திட்டத்தின் கீழ், காத்தான்குடி ஏறாவூர் பிரதேச செயலாளர் பிரிவுகளில் புகைப்படங்கள் வழங்கும் நடவடிக்கை நிறைவுபெற்றுள்ளதாக கபே அமைப்பின் கிழக்கு மாகாண இணைப்பாளர் திருமதி சுகுலாகுமாரி தெரிவித்தார்.