வாகன விபத்தில் சிறுவன் பலி; சாரதி கைது

(ரி.லோஹித் )
 
மட்டு. கோட்டை கல்லாறு பிரதான வீதியில் இன்று செவ்வாக்கிழமை நண்பகல் இடம்பெற்ற வாகன விபத்தில் 6 வயது சிறுவன் உயிரிழந்துள்ளார்.

யோகராஜா டினுசன் என்ற சிறுவனே வாகன விபத்தில் உயிரிழந்தவராவார். வீதியை கடக்க முயன்ற போது, மட்டக்களப்பிலிருந்து கல்முனை நோக்கி சென்ற சிறிய ரக டிப்பர் மோதி குறித்த சிறுவன் உயிரிழந்துள்ளான்;.
 
குறித்த சிறுவன் படுகாயமடைந்த நிலையில் பெரிய கல்லாறு மாவட்ட வைத்தியசாலையில் சிகிச்சைக்காக அனுமதிக்கப்பட்ட போதும் சிகிச்சை பலனின்றி உயிரிழந்துள்ளார்.
 
வாகன சாரதியை பொலிஸார் கைது செய்துள்ள நிலையில், சம்பவம் தொடர்பான மேலதிக விசாரணைகளை களுவாஞ்சிக்குடி பொலிஸார் மேற்கொண்டு வருகின்றனர்.