சத்யசாயி பாபாவின் 94ஆவது ஜனன தினம்

சத்யசாயி பாபாவின் 94ஆவது ஜனன தினத்தையொட்டி, சாயி சர்வதேச பாடசாலையின் அதிபர், ஆசிரியர்களின் ஏற்பாட்டில், சனிக்கிழமை (23), ஜனன தின நிகழ்வு ஏற்பாடு செய்யப்பட்டுள்ளது.

தலவாக்கலையில் இயங்கும் ஸ்ரீ சத்தியசாயி வித்யா நிலையத்தின் இயக்குனர் 
வே கருணாராசன் தலைமையில் இந்நிகழ்வு நடைபெறவுள்ளது.

காலை 5.45 மணிக்கு ஆரம்பமாகவுள்ள இந்நிகழ்வில், ஸ்ரீ சாயி நிலையத்தில், ஓங்காரம் சுப்ரபாதம், நகர சங்கீர்த்தனம் பஜனை இடம்பெற்று மாலை 5 மணியளவில் திருவூஞ்சல் நடைபெறவுள்ளது.

இந்நிகழ்வின் இரண்டாவது நாளான 30ஆம் திகதி, ஸ்ரீ சாயி நிலைய மனிதவிழுமிய வகுப்பு மாணவர்களின் கலை நிகழ்ச்சி, தலவாக்கலை ஸ்ரீ கதிரேசன் ஆலய கலாசார மண்டபத்தில் இடம்பெற்று, தொடர்ந்து சுவாமியின் 94ஆவது ஜனனதின விழா நடைபெறும்.

இதில், அனைவரையும் கலந்துகொண்டு ஆசி பெறுமாறு, ஏற்பாட்டுக்குழுவின் கோரிக்கை விடுத்துள்ளனர்.