கோழி திருடிய வேட்பாளர்

(மொஹொமட் ஆஸிக்)

ஹிங்குராங்கொடை பிரதேசசபைக்கு சமர்ப்பிக்கப்பட்ட வேட்புமனு நிராகரிக்கப்பட்ட பிரதான கட்சியொன்றின்  வேட்பாளரொருவர் ஐந்து கோழிகளை திருடினாரென்ற சந்தேகத்தின் பேரி;ல் கைதுசெய்யப்பட்டுள்ளதாக ஹபரணை பொலிஸார் தெரிவித்தனர்.

ஹபரணை பிரதேசத்திலுள்ள கோழிப்பண்ணையொன்றுக்குள்  புகுந்த  இவ்வேட்பாளர், உணவுக்காக கோழிகளைத்  திருடிக் கொன்றுள்ளதாகவும் பொலிஸார் குறிப்பிட்டனர்.  

தனது நண்பர்களுடன் குடித்துக் கொண்டிருந்த குறித்த நபர், அவர்களுக்காக  கோழிகளை திருடியுள்ளதாக பொலிஸார் கூறினர்.

இது தொடர்பில் ஹபரணை பொலிஸார் மேலதிக விசாரணைகளை  மேற்கொண்டு வருகின்றனர்.