ஜனாதிபதியின் பிறந்த தினத்தினை முன்னிட்டு கொத்மலையில் நிகழ்வுகள்

(எஸ்.சுவர்ணஸ்ரீ)

ஜனாதிபதியின் பிறந்தத் தினம் மற்றும் இரண்டாவது முறையாக பதவி பிரமாணம் செய்து கொள்ளல் என்பனவற்றை முன்னிட்டு கொத்மலை பிரதேச செயலகத்துக்கு உட்பட்ட பகுதிகளில் இன்று பல்வேறு நிகழ்வுகள் இடம்பெற்றன.

சமுர்த்தி பயனாளிகளுக்கான விவசாய உபகரணங்கள் மற்றும் தையல் இயந்திரங்களை வழங்குதல், கிராம எழுச்சி நிகழ்ச்சித்திட்டத்தின் ஊடாக தோட்டப்பகுதிகள் மற்றும் கிராமப்பகுதிகளுக்கான 200 இலட்சம் பெறுமதியான வேலைத் திட்டங்களை ஆரம்பித்து வைத்தல் போன்ற நிகழ்வுகள் இடம்பெற்றன.

இந்த நிகழ்வுகளில் மத்திய மாகாணசபை உறுப்பினர்களான ரமேஸ், குமாரதசநாயக்க, கொத்மலை பிரதேச செயலாளர் மோஹனஹேரத் உட்பட பலர் கலந்து கொண்டனர்.