சப்ரகமுவ பல்கலை முதலாம் வருட மாணவர்களுக்கான விரிவுரைகள் நாளை ஆரம்பம்

(மொஹொமட் ஆஸிக்)

சப்ரகமுவ பல்கலைக்கழகத்தின் முதலாம் வருட மாணவர்களுக்கான விரிவுரைகள் நாளை திங்கட்கிழமை ஆரம்பமாகுமென அப்பல்கலைக்கழகத்தின் உபவேந்தர்,  பேராசிரியர் மஹிந்த எஸ்.ரூபசிங்க தெரிவித்தார்.

பின்னர் மூன்றாம்,  நான்காம் வருட மாணவர்களுக்கான விரிவுரைகளும் ஆரம்பமாகுமெனக் கூறிய அவர்,  இரண்டாம் வருட மாணவர்களுக்கான விரிவுரைகள் சற்று தாமதமாகுமெனவும் குறிப்பிட்டார்.  

இதேவேளை, முதலாம் வருட மாணவர்கள் இன்று முதல் தத்தமது விடுதிகளுக்கு சமூகமளிக்க முடியுமெனவும் உபவேந்தர் மஹிந்த எஸ்.ரூபசிங்க தெரிவித்தார்.