மதுபோதையில் மக்களுக்கு இடையூறு விளைவித்த நபருக்குச் சிறை

(சங்கவி)

மதுபோதையில் மக்களுக்கு இடையூறு விளைவித்தார் என்ற குற்றச்சாட்டில் ஊர்காவற்றுறைப் பொலிஸாரால் கைதுசெய்யப்பட்ட நபருக்கு, ஊர்காவற்றுறை பதில் நீதிபதி  6 ஆயிரம் ரூபா அபராதம் விதித்தார்.

இது தொடர்பாகத் தெரியவந்துள்ளதாவது:

ஊர்காவற்றுறைப் பகுதியில் மதுபோதையில் ஊர் மக்களுக்கு இடையூறு விளைவிக்கும் வகையில் நடமாடிய நபர் ஒருவரை ஊர்காவற்றுறைப் பொலிஸார் கைதுசெய்தனர்.

ஊர்காவற்றுறை நீதிமன்றில் இவர்மீதான வழக்குத் தாக்கலைச் பொலிஸார் மேற்கொண்டனர். வழக்கை விசாரணை செய்த ஊர்காவற்றுறை பதில் நீதிபதி  ஜே.கஜநிதிபாலன் குறித்த நபருக்கு 6 ஆயிரம் ரூபா அபராதம் விதித்ததுடன் குற்றப் பணத்தைக் கட்டத்தவறின் 3 மாதகாலத்துக்குச் சிறைத்தண்டனை அனுபவிக்குமாறும் உத்தரவிட்டார்.

இந்நிலையில் இவர்  குற்றப் பணத்தைக் கட்டத் தவறியமையால் சிறைக்கு அனுப்பி வைக்கப்பட்டார்.