கடை தீப்பற்றயதால் ஒருகோடி ரூபா பெறுமதியான பொருட்கள் சேதம்

(ஆகில் அஹமட்)

அநுராதபுரம் கடை ஐம்பது பகுதியில் மின் உபகரண விற்பனை நிலையமொன்றில் இன்று வியாழக்கிழமை அதிகாலை வேளையில் ஏற்பட்ட தீ விபத்தில் ஒருகோடி ரூபாவுக்கும் அதிகம் பெறுமதியுடைய பொருட்கள்  சேதமடைந்துள்ளதாக அநுராதபுரம் பொலிஸார் தெரிவித்தனர்.

மின் ஒழுக்கின் காரணமாகவே இவ்விபத்து இடம்பெற்றுள்ளதாக ஆரம்ப விசாரணைகள் மூலம் தெரியவந்துள்ளது.

பொலிஸார், தீயணைப்புப்படை வீரர்கள், இராணுவத்தினர் மற்றும் பொதுமக்களின் உதவியுடன் தீ பரவுவது கட்டுப்படுத்தப்பட்ட போதும் இருமாடிகளிலும் வைக்கப்பட்டிருந்த பெருமளவு மின் உபகரணங்கள் தீயில் எரிந்து சாம்பலாகியுள்ளன.