பச்சிலைப்பள்ளியில் குடிநீர் விநியோகம்

-சுப்ரமணியம் பாஸ்கரன்
கிளிநொச்சி பச்சிலைப்பள்ளிப் பிரதேசத்தில், தற்போது நிலவும் வறட்சியான காலநிலையைத் தொடர்ந்து, அனர்த்த முகாமைத்துவ அமைச்சினூடாக, ஆறு கிராமங்களுக்குக் குடிநீர் விநியோகம் மேற்கொள்ளப்பட்டு வருகின்றது.

அந்த வகையில், பச்சிலைப்பள்ளிப்பிரதேச செயலர் பிரிவின் கீழ் உள்ள முகாவில் பகுதியில் 50 குடும்பங்களைச் சேர்ந்த 187 பேருக்கும், தர்மகேணிப்பகுதியில் 150 பாடசாலை மாணவர்களுக்கும், தம்பகாமம் பகுதியில் 40 குடும்பங்களைச் சேர்ந்த 124 பேருக்கும், புலோப்பளை மேற்குப்பகுதியில் 10 குடும்பங்களைச் சேர்ந்த 38பேருக்கும், அல்லிப்பளைப்பகுதியில் 60 குடும்பங்களைச் சேர்ந்த 210 பேருக்கும், இத்தாவில் பகுதியில் 38 குடும்பங்களைச் சேர்ந்த 140 பேருக்கும், குடிநீர் விநியோகம் மேற்கொள்ளப்பட்டு வருவதாக, பிரதேச செயலகத்தின் அனர்த்த முகாமைத்துவப் பிரிவினால் தெரிவிக்கப்பட்டுள்ளது.