மூதாட்டியை தூக்கி நடனமாடிய அமைச்சர்

தெலுங்கானாவில் அமைச்சராக உள்ள 60 வயதான மல்லா ரெட்டி தனது தொகுதி மக்களின் வீடுகளில் நடைபெறும் சுப நிகழ்ச்சிகளுக்கு செல்லும் போது நடனம் ஆடுவது பொது மக்களிடம் இயல்பாக பழகுவது உள்ளிட்ட காரணங்களால் அமைச்சர் மீது அந்த தொகுதி மக்கள் மிகுந்த மரியாதை வைத்துள்ளனர்.

இந்நிலையில் மல்லா ரெட்டி தனது தொகுதியில் தேர்தல் பிரச்சாரத்தில் ஈடுபட்டு வந்துள்ளார். அதில் ஏராளமான மூதாட்டிகள் தேர்தல் பிரச்சாரத்தில் கலந்து கொண்டுள்ளனர். அப்போது தனது அருகில் இருந்த மூதாட்டியை பார்த்த மல்லா ரெட்டி தனது மடியில் அமருமாறு கூறியுள்ளார்.

மூதாட்டி வெட்கப்பட்டு அவரது மடியில் உட்கார மறுத்ததையடுத்து மல்லா ரெட்டி மூதாட்டியை தூக்கி கொண்டு நடனம் ஆடியுள்ளார்.

அதனை அருகில் இருந்த பெண்கள் கைகளை தட்டியபடி ஆரவாரம் செய்தனர். அமைச்சர் மூதாட்டியை தூக்கிக்கொண்டு நடனம் ஆடும் வீடியோ சமூக வலைதளங்களில் வைரலாகி வருகிறது.