பி-லவ் கண்டியை வென்ற கொழும்பு ஸ்ரைக்கர்ஸ்

இலங்கையின் உள்ளூர் இருபதுக்கு – 20 தொடரான லங்கா பிறீமியர் லீக் (எல்.பி.எல்) தொடரில், கொழும்பு ஆர் பிரேமதாஸ மைதானத்தில் ஞாயிற்றுக்கிழமை (30) நடைபெற்ற பி-லவ் கண்டியுடனான போட்டியில் கொழும்பு ஸ்ரைக்கர்ஸ் வென்றது.

இப்போட்டியில் முதலில் துடுப்பெடுத்தாடிய ஸ்ரைக்கர்ஸ், பாபர் அஸாமின் 59 (52), நுவனிடு பெர்ணாண்டோவின் 28 (31) ஓட்டங்களோடு 20 ஓவர்களில் 6 விக்கெட்டுகளை இழந்து 157 ஓட்டங்களைப் பெற்றது. பந்துவீச்சில், மொஹமட் ஹஸ்னைன் 4-0-27-2, அணித்தலைவர் வனிடு ஹஸரங்க 4-0-22-0, முஜீப் உர் ரஹ்மான் 4-0-28-0, தனுக டப்ரே 2-0-14-0 என்ற பெறுதிகளைக் கொண்டிருந்தனர்.

பதிலுக்கு 158 ஓட்டங்களை வெற்றியிலக்காகக் கொண்டு துடுப்பெடுத்தாடிய கண்டி, 20 ஓவர்களில் 8 விக்கெட்டுகளை இழந்து 130 ஓட்டங்களையே பெற்று 27 ஓட்டங்களால் தோல்வியடைந்தது.

இப்போட்டியின் நாயகனாக அஸாம் தெரிவானார்.

இதேவேளை மற்றைய போட்டியில் தம்புள்ள ஓறாவை சுப்பர் ஓவரில் கோல் டைட்டான்ஸ் வென்றது.