கொக்குவில் சி.சி.சி, சென்றலைட்ஸ் அணிகள் வெற்றி

Super User / 2014 மே 11 , மு.ப. 11:43 - 0 - {{hitsCtrl.values.hits}}

-குணசேகரன் சுரேன், நா.நவரத்தினராசா

யாழ்ப்பாணம் பிறிமியர் லீக் இருபது 20 துடுப்பாட்டச் சுற்றுப்போட்டியில் முதல் நாள் ஆட்;டத்தில் கொக்குவில் மத்திய சனசமூக நிலையமும், சென்றலைட்ஸ் அணியும் வெற்றிபெற்றன.

யுவ பிரண்ட்ஸ் பவுண்டேஷன் நிறுவனத்தின் ஏற்பாட்டில் யாழ்.மாவட்டத்தினைச் சேர்ந்த 18 துடுப்பாட்டக் கழகங்களுக்கிடையில் யாழ்ப்பாணம் பிறிமியர் லீக் (ஜே.பி.எல்) இருபது 20 சுற்றுப்போட்டிகள் சனிக்கிழமை (10) யாழ்ப்பாணம் இந்துக் கல்லூரி மைதானத்தில் ஆரம்பமாகியது.

சனிக்கிழமை (10) நடைபெற்ற முதலாவது போட்டியில் கொக்குவில் மத்திய சனசமூக நிலைய அணியினை எதிர்த்து மானிப்பாய் பரிஷ; விளையாட்டுக்கழகம் மோதியது. நாணயச் சுழற்சியில் வென்று முதலில் துடுப்பெடுத்தாடிய கொக்குவில் மத்திய சனசமூக நிலைய அணி 19.2 பந்துபரிமாற்றங்களில் 123 ஓட்டங்களுக்குச் சகல இலக்குகளையும் இழந்தது.

துடுப்பாட்டத்தில் கே.ஆதித்தன் 28, கே.ஜனுதாஸ் 17 ஓட்டங்களைப் பெற்றுக்கொடுத்தனர்.

பந்துவீச்சில் மானிப்பாய் பரிஷ; அணி சார்பாக எஸ்.சுபாஸ்கரன் 04 ஓவர்கள் பந்து வீசி 27 ஓட்டங்களை விட்டுக்கொடுத்து 03 இலக்குகளையும், என்.கிNஷhக்குமார் ஆர்.வினோத் 02 விக்கெட்டுக்களையும் ரி.தில்லைராசன் ஆகியோர் தலா 2 இலக்குகளையும் கைப்பற்றினார்கள்.

124 என்ற வெற்றியிலக்குடன் பதிலுக்குத் துடுப்பெடுத்தாடக் களமிறங்கிய மானிப்பாய் பரிஷ; அணியினர் 16.1 பந்துபரிமாற்றங்களில் 91 ஓட்டங்களுக்கு அனைத்து இலக்குகளை இழந்தது. துடுப்பாட்டர்தில் ஆர்.வினோத் 28 ஓட்டங்களைப் பெற்றுக்கொடுத்தார்.

பந்துவீச்சில் கொக்குவில் மத்தி சார்பாக கே.சுலோஜன் 04 இலக்குகளையும், கே.பபிதரன், கே.ஜனுதாஸ் தலா 2 இலக்குகளையும் கைப்பற்றினார்கள்.

இரண்டாவது போட்டியில் சென்றலைட்ஸ் அணியினை எதிர்த்து நியுஸ்ரார்ஸ் அணி மோதியது. நாணயச் சுழற்சியில் வென்று முதலில் துடுப்பெடுத்தாடிய நியுஸ்ரார்ஸ் அணி 17.1 பந்துபரிமாற்றங்களில் 90 ஓட்டங்களுக்குச் சகல இலக்குகளையும் இழந்தது.

துடுப்பாட்டத்தில் எஸ்.ரமணம் 15 ஓட்டங்களைப் பெற்றுக்கொடுத்தார்.

பந்துவீச்சில் சென்றலைட்ஸ் அணி சார்பாக கே.சௌமிதரன் 4, எம்.வதூஸனன் 3, இலக்குகளைக் கைப்பற்றினார்கள்.

91 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடிய சென்றலைட்ஸ் அணி 14.3 பந்துபரிமாற்றங்களில் 4 இலக்குகளை மாத்திரம் இழந்து வெற்றியிலக்கை அடைந்தது.

துடுப்பாட்டத்தின் எஸ்.ஜேம்ஸ்ஜான்ஸன் 27, ஆர்.ஜெனோசன் 17 ஓட்டங்களைப் பெற்றுக்கொடுத்தனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .