கிண்ணியாவில் பட்ஜெட் ​தோற்றது

கிண்ணியா நகர சபையின், 2022 ஆண்டுக்கான  வரவு- செலவுத் திட்ட  (பட்ஜெட்) விவாதம் தவிசாளர் எஸ்.எச்.எம்.நளீம் தலைமையில் இன்று (14) மாலை சபை மண்டபத்தில் இடம் பெற்றது. 

அதன்பின்னர் வாக்கெடுப்புக்கு விடுக்கப்பட்டது. பட்ஜெட்டுக்கு எதிராக 07 வாக்குகளும் ஆதரவாக 05 வாக்குகளும் அளிக்கப்பட்டன.

இதனால், அந்த வரவு- செலவுத் திட்டம் தோல்வியடைந்தது.

தவிசாளர் உட்பட 13 உறுப்பினர்கள் சபையில் அங்கம் வகிக்கின்றனர். அதில், நல்லாட்சிக்கான தேசிய முண்ணனியின் உறுப்பினர் நாஸிக் மஜீத், சபை அமர்வுக்கு இன்றைய தினம் சமூகமளிக்கவில்லை என்பது குறிப்பிடத்தக்கது.