இணையத்தளங்களை பாதுகாக்க விசேட வேலைத்திட்டம்

அரச மற்றும் தனியார் இணையத்தளங்களை பாதுகாப்பதற்கான விசேட வேலைத்திட்டமொன்றை ஆரம்பிக்கவுள்ளதாக, இலங்கை கணினி அவசர நடவடிக்கைக் குழு தெரிவித்துள்ளது.

அரச மற்றும் தனியார் இணையத்தளங்களை ஊடுறுவுபவர்களின் எண்ணிக்கை அண்மைக்காலங்களில் அதிகரித்துள்ளதாகவும் எனவே, இவர்களிடமிருந்து இணையத்தளங்களை காப்பதற்காகவே, இவ்விசேட வேலைத்திட்டத்தை நடைமுறைப்படுத்தவுள்ளதாகவும் அப்பிரிவு மேலும் கூறியுள்ளது.

கடந்த வருடம் மட்டும் 12 இணையத்தளங்கள் இவ்வாறு ஊடுறுவப்பட்டுள்ளதாக, மேற்படி பிரிவின் சிரேஷ்ட தகவல் பாதுகாப்பு பொறியியலாளர் ரொஷான் சத்துரங்க தெரிவித்தார்.

அரச மற்றும் தனியார் வலைத்தளங்களை நிர்வகிக்க தேவையான அறிவு, பிரத்தியேகமாக வழங்கப்படும் என்றும் அவர் கூறினார்.