ஈரானுக்கு விஜயம் செய்வார் ஜனாதிபதி

ஜனாதிபதி மைத்திரிபால சிறிசேன, நவம்பர் மாதம் ஆரம்பத்தில் அல்லது டிசெம்பர் மாதம் முதல் அரைவாசிக்குள், ஈரானுக்கு விஜயம் செய்யவிருக்கிறார் என்று, ஈரானிய ஊடகங்கள் செய்தி வெளியிட்டுள்ளன. 

ஜனாதிபதி மைத்திரிபால சிறிசேன உள்ளிட்ட உலக நாட்டுத் தலைவர்கள் பலர், ஈரானுக்கு விஜயம் செய்யவிருப்பதாக, ஈரானின் மெஹர் பத்திரிகை வெளியிட்டுள்ள செய்தியில் தெரிவிக்கப்பட்டுள்ளது.

ஈரானுக்கும் இலங்கைக்கும் இடையிலான உறவுகளை மேம்படுத்திக் கொள்ளும் நோக்கிலேயே ஜனாதிபதி மைத்திரிபாலவின் இந்த விஜயம் அமையவிருப்பதாக அச்செய்தியில் தெரிவிக்கப்பட்டுள்ளது. 

இவருடன், இந்தோனேஷியா, பின்லாந்து, பொஸ்னியா, ஹர்ஷகொவித்தா மற்றும் வெனிசூலா ஆகிய நாடுகளின் ஜனாதிபதிகளே ஈரானுக்கு விஜயம் செய்யவிருப்பதாக அச்செய்தியில் மேலும் தெரிவிக்கப்பட்டுள்ளது.