ஐக்கிய தேசியக் கட்சியின் செயற்குழு கூட்டம் ஆரம்பமானது

ஐக்கிய தேசியக் கட்சியின் செயற்குழு கூட்டம், பிரதமர் ரணில் விக்கிரமசிங்க தலைமையில் சிறிகொத்தவில் ஆரம்பமாகி இடம்பெறுகின்றது.

ஜனாதிபதி வேட்பாளரை தெரிவுசெய்வதற்கான முக்கிய கூட்டமாக இது அமைந்துள்ளது.

செயற்குழுக் கூட்டத்தில் ஜனாதிபதி வேட்பாளராக சஜித் பிரேமதாசாவின் பெயரை ஐக்கிய தேசியக் கட்சியின் தலைவருமான ரணில் விக்கிரமசிங்க பிரேரிக்க உள்ளார்.

செயற்குழுக் கூட்டத்துக்கு முன்னதாக, கட்சியின் தலைவர் பிரதமர்  ரணில் விக்கிரமசிங்க, பிரதித் தலைவர் அமைச்சர் சஜித் பிரேமதாச உள்ளிட்ட கட்சியின் சிரேஷ்ட தலைவர்களுக்கு இடையில் இன்று முற்பகல் கலந்துரையாடல் இடம்பெற்றது.

அதன்போது, சஜித் பிரேமதாசாவின் பெயரை ஐக்கிய தேசியக் கட்சியின் தலைவருமான ரணில் விக்கிரமசிங்க பிரேரிக்க தீர்மானிக்கப்பட்டது.

இதேவேளை,  சஜித் பிரேமதாச ஜனாதிபதி வேட்பாளராக அறிவிக்கப்படுவார் என்ற எதிர்பார்பில் அதிகளவான ஆதரவாளர் கட்சியின் தலைமையகத்துக்கு முன்னால் குவிந்துள்ளனர்.